Ախտորոշում` ծանրաբեռնվածության թրեդմիլ-թեստ

 Ծանրաբեռնվածության Տրեդմիլ թեստը ֆիզիկական ծանրաբեռնվածության թեստի տեսակ է, որի ժամանակ հիվանդը քայլում/վազում է շարժվող վազքուղու վրա, և զուգահեռաբար իրականացվում է  էլեկտրասրտագրության (ԷՍԳ) շարունակական գրանցում։ Հետազոտությունն իրականացվում է ԷՍԳ տեխնոլոգիաների առաջատար MORTARA INSTRUMENT-ի կողմից ստեղծված X-SCRIBE  համակարգի միջոցով, որը հանդիսանում է ֆիզիկական ծանրաբեռնվածության ընթացքում բարձր ճշգրտության ԷՍԳ ալիքային տատանումների գրանցման գործիք։ Ծանրաբեռնվածության բնույթը ֆիզիոլոգիական է և վերարտադրում է առօրյայում իրականցվող ֆիզիկական գործողությունները` քայլք, աստիճանների բարձրացում և այլն, որի շնորհիվ թեստը հնարավորություն է տալիս գնահատել սրտանոթային համակարգի ֆունկցիաները հիվանդների ֆիզիկական ակտիվության պայմաններում։ 

Տրեդմիլ թեստը գերակշիռ մեծամասնությամբ կիրառվում է սրտի իշեմիկ հիվանդության հայտնաբերման, ախտանիշների տարբերակման և բուժման գնահատման համար։ 

Ինչպես նաև կիրառվում է.

• Ծանրաբեռնվածությամբ խթանվող առիթմիաների հայտնաբերման
• Ախտանիշների, պրեսինկոպե (եթե այն սովորաբար լինում է ֆիզիկական ծանրաբեռնվածության ընթացքում կամ հետո) գնահատման
• Սրտամկանի ինֆարկտից հետո ռիսկի ստրատիֆիկացիայի
• Ռեվասկուլյարիզացիայի կամ դեղորայքային բուժման գնահատման
• ֆիզիկական ծանրաբեռնվածության նկատմամբ տոլերանտության որոշման
• Առիթմիաների բուժման գնահատման
• Դիլատացիոն կարդիոպաթիայով ու սրտային անբավարարությամբ հիվանդների սիրտ-թոքային ֆունկցիայի գնահատման
• Հիպերտրոֆիկ կարդիոպաթիայով հիվանդների ռիսկի ստրատիֆիկացիայի համար։

Թեստի առավելություններն են

• արագությունը
• հասանելիությունը
• մատչելիությունը

Հարցեր, պատասխաններ, մեկնաբանություններ